Bis zer Fasnacht 2022 goot s no 7.03.2022 4:00 38 Dääg

EMAIL Druckbutton anzeigen? Export to ics (for outlook, google calendar, etc...)

Veranstaltung 

Titel:
Offizielles Preistrommeln und -pfeiffen
Wann:
10.01.2013 - 12.01.2013 
Wo:
Volkshaus - Basel
Kategorie:
Stamm

Beschreibung

In der Wuche noch em Intärne findet beraits s Offizielle Bryysdrummle- und Pfyffe 2013 statt. Dä Aloss wird in däm Joohr vo de Aagfrässene und em Dupf-Club organisiert, unterstitzt vo de Naarebaschi und der VKB, wo denn s Joohr druff dä Aloss wärde organisiere.

Au do mache e baar vo unserer Junge Garde aggtiv mit. Erfahrigsgemäss schafft’s der/die aint(i) denn au in Final vom Samschdig. Der Ytritt am Final vo de Junge am Samschdignoomidaag isch ibrigens gratis, Dangg de baide Hautpsonsore UBS AG und Birgergmaind Basel. Stattfinde dien der Final vo de Junge und de Alte im grosse Saal vom Volggshuus.

E bsunderi Attraggtion an däm Samschdig wird sicher unseri Helge – Galerie. Noch ere Idee vom Gregy Bohny hänn mir vom OK alli 38 Stammverain agfroggt, eb ihre Lambbekinschtler e Helge als Bryys fir d Ainzelkonkurränz bi de Alte wurdi gstalte. Der Erfolg isch iberwältigend gsi: Alli 38 Stammverain hänn mitgmacht!

Es wird dorum e wirgligg Aimooligi Galerie mit 38 Unikat gäh, wo me d Wärgg vo allne Stammlambbe Kinschtler ka bewundere. Die Galerie wird am Samschdig im Foyer vom Volggshuus uffbaut. Wär aifach nur d Galerie mescht go bestuune und viellicht no gmietligg aine schnappe, hett au am Samschdignoomidaag d Meegligkait, denn isch der Ytritt gratis.

S Biihnibild vom Offizielle hett im ibrige der Kinschtler vom Stamm vo de Aagfrässene gstaltet, der Mischa Kammermann. Das Bihnibild ka me au als Helge am Final im Foyer käuflich erwärbe, fir 120 Frangge. D Ufflaag isch nummeriert und limitiert.

Veranstaltungsort

Wo?:
Volkshaus   -   Website
Straße:
Rebgasse 12-14
PLZ:
4058
Stadt:
Basel
Land:
Land: ch

Beschreibung

Grosser Saal & Unions-Saal, Wettsteinsaal, Meriansaal